爱华网简介:原来阿欣拾到了阿力的手机，但大意的阿力竟然忘记了阿欣的名字。阿力为多谢阿欣，便用moov乐手机的脑点功能，为阿欣点了许多歌曲，让音乐陪伴手机的这个暂时主人。
阿欣：我唔知点解欢送完阿Ling之后我手袋会多o左部手机，最得人惊系部手机半夜三更响！一部唔系我o既手机竟然o系我度！如果你系我你会唔会听呀？
喂？
阿力：(有点心急，但语调认真)我唔知你系边个，总之你千祈唔好收线，o拿我知你唔系小偷黎o既，我知你一定系好心执到我部手机o既人黎添！我剩系想多谢你架咋，仲有，我想而家拎番部手机！
阿欣：而家？
阿力：你系边个呀？我系咪识你架？
阿欣：你系边个呀？我谂我唔识你喎！？
阿力：你叫咩名呀？
阿欣：点解要话俾你知我叫咩名呀？
阿力：我系Alex、做设计架、系你手上部机o既机主！
阿欣：Alex？
阿力：系，ALEX,Alex！你~~~~系边个呀？
阿欣：你系~~~~今晚K房o个个.........脑点Alex？
阿力：系呀系呀，你系咪我教你上网脑点歌入手机个女仔呀？
阿欣：系呀Alex！上网点歌唔驶download手机就有歌听呀嘛！我记得你Alex！
阿力：咁，我可唔可以而家拎番部手机呀？
阿欣：唔系好方便喎！我听日一早要返工！仲有，而家半夜三更，正常人都好应该训觉架！
阿力：Sor~~
阿欣：(抢白)同埋，如果你想拎番部手机呢，我谂你应该有礼貌少少，至少叫番我个名，我个名唔系叫“教你上网脑点歌入手机个女仔”，早抖！
阿力：知唔知咩叫著灯呀？著灯就系乌丝突然好热好热，热到红哂而发光！佢cut我线我真系即刻著哂灯滚哂呀！不过我真系谂o左好耐都谂唔起佢叫咩名，我打o左好几个电话问朋友，但系竟然无人可以叫出个女仔o既名！我打阿Ling手机，但冇人听，我谂佢上o左飞机去加拿大！直至第二日，我仲未谂到究竟佢叫咩名！唔通我真系因为唔记得佢个名而冇o左部手机？
阿欣：我好后悔当晚冇俾返部手机Alex，因为成晚D电话系咁响过唔停！我唔明白一个正常做设计o既人点会半夜会有咁多电话，个个都留message俾我叫我通知佢，我话我唔系佢秘书，佢地就话咁你通知你男朋友啦！临天光我忍唔住熄o左佢部手机！直至第二日先开番。
(手机响过不停~~~)
阿欣：边个咁冇品开会唔较震机呀？唉~~~~仲唔听添！突然个个望住我、我先醒起Alex个电话o系我袋！
喂？
阿力：我谂o左成日啦，我终於记得你叫咩名啦！你叫阿May。
阿欣：(细细声)我开紧会呀。。。。。。
阿力：对唔住呀！唔该你呀May我真系要尽快拎番部手机呀！
阿欣：你而家系咪用紧打俾我哩个number呀？
阿力：系呀！
阿欣：OK。
阿力：哩个女仔之前话我冇礼貌，我话最冇礼貌o个个系佢！不过收o左线冇几耐，我新出o个张电话咭就不断有电话入，我都唔知佢地点知我呢张咭o既number，唯一o既解释就系阿May帮我飞o左线！
(手机响)
阿力：喂？
阿欣：喂Alex我头先打过俾你，不过你冇听电话，你几时得闲拎番部手机呀？
阿力：我而家做紧野喎。
阿欣：哦。
阿力：不过我都可以约定你先o既！你而家响边头呀？
阿欣：我o岩o岩上o左船返屋企咯喎！
阿力：你住边头架？
阿欣：我住大屿山。
阿力：下？
阿欣：听日中午啦好唔好？
阿力：...............我中午未起身
阿欣：咁你几点得呀？
阿力：入夜之后啦。
阿欣：咁几多点丫？
阿力：我又未知喎.............其实唔紧要啦，最紧要我而家收到我要o既电话喇，系呀，你系咪帮我飞o左条线呀？
阿欣：其实你自己都可以摇控飞线！
阿力：(细细声).........我醒得起就唔驶唔该你啦！
阿欣：咩话？
阿力：你「禁」我部手机个9字丫！
阿欣：你想点呀、我唔系你秘书喎！
阿力：唔系唔系
阿欣：呀其实你都几冇礼貌架喎！
阿力：我有叫你个名喎？
阿欣：有咩？
阿力：有呀！唔该你呀May！
阿欣：得啦得啦！
阿力：你o岩o岩上船？
阿欣：你唔系想我搭番船过中环呀！？
阿力：唔系，总之你按9字啦、不过你有冇我手机o系手呀？
阿欣：梗系有啦，唔系我而家点同你讲电话呀？
阿力：你阵间收线先，然后就上WAP去MOOV乐手机主页，然后再按9。。。。。。
阿欣：OKOK
阿力：记得喎!
阿欣：(一笑)O~~~K
阿力：我打番哩个电话搵到你架啦系咪？
阿欣：系呀arthur。
阿力：下？我系Alex喎！
阿欣：系咩？我都唔系叫阿May喎！
阿力：你唔系叫阿May咩？咁你~~~
阿欣：你部手机真系几好玩喎，如果你唔记得我叫咩名~~~~或者你要买过部新手机！拜拜(手机do一声收线)
阿欣：收o左线，隔o左一阵我就照佢咁讲，「禁」o左个9字，我见到个Playlist有几个名.........「May多谢你帮我飞线」「May送首warm歌陪你搭船令你暖D」.......仲有第三个「May乜你唔系叫阿May咩？」我逐个playlist播，原来入面有《在你遥远的附近》、《祝你旅途愉快》、《认住我》三首歌。
MOOV网剧，《爱情，请按9字》邓丽欣饰演阿欣，方力申饰演ALEX，编剧卢文康，第二集已经播放完毕，BYE~BYE！
